Titill
Öll sveitarfélögin á höfuðborgarsvæðinu skipa neyðarstjórn með erindisbréfi sem skilgreinir hlutverk og tilgang neyðarstjórna og liggur sú skipan til grundvallar mönnun þeirra. Neyðarstjórnir starfa hvort sem er á hefðbundnum tímum og á almannavarnatímum.
Mikilvægt er að tryggja að ákvörðunarvald og stjórnun liggi áfram hjá sveitarfélaginu og til að tryggja forgangsröðun, styrkja tengsl á milli ólíkra verkþátta og tengja og samræma starf sveitarfélaganna með hagsmuni íbúanna allra að leiðarljósi.
![](https://vefur.shs.is/wp-content/uploads/2021/07/95608916_669669930497114_6879927267569434624_n.jpg)
Hlutverk neyðarstjórna
Frumskylda sveitarfélaga er að stuðla að öryggi og velferð borgaranna. Neyðarstjórn hefur því hlutverki að gegna að samhæfa aðgerðir og grípa til neyðarráðstafana þegar neyðarástand skapast til að forgangsraða lögbundinni þjónustu, samfélagslega mikilvægri starfsemi, tryggja almannaheill og lágmarka hugsanlegan samfélagslegan skaða.
![](https://vefur.shs.is/wp-content/uploads/2021/07/sinna-30.04.20.jpg)