Fyrirtæki sem geyma, nota eða framleiða hættuleg efni þurfa að hafa viðbragðsáætlun til að fylgja ef slys eiga sér stað og æfingar í framkvæmd hennar ættu að fara fram a.m.k. tvisvar á ári. Viðbragðsáætlun þarf að tilgreina hver á að gera hvað, sem dæmi:
- hver á að sjá um rýmingu á húsnæðinu
- hverja þarf að láta vita, hver gerir það og hvernig
- hvaða hlífðarbúnaður er á staðnum, hver á að nota hann og hvernig
- hver á að sjá um að loka öllum hurðum að svæðinu
- hver á að láta 112/slökkvilið vita
- hver á að sjá um samskipti við slökkviliðið þegar það kemur á vettvang
Intro texti minni
Titill
Tilkynna þarf starfsfólki um þær hættur sem eru til staðar í fyrirtækinu vegna hættulegra efna og alls ekki gera lítið úr þeim möguleika að slys geti átt sér stað. Hversu hættulegt efnið er fer eftir ýmsu, t.d. efnasamsetningu þess, hvernig það hagar sér þegar það kemst í snertingu við vatn eða andrúmsloft, í hvaða magni það er og við hvaða aðstæður það er geymt, flutt eða notað.
Hættuleg efni hafa fjórar leiðir til að komast inn í líkamann; í gegnum öndunarfæri, húð, munn og með því að sprautast inn í líkamann. Upptaka í gegnum öndunarfærin er algengasta leiðin og sú sem veldur oftast bæði skammtíma og langtíma heilsufarsvandamálum.
